ပြည် အောက်တိုဘာ ၉

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးသည် အောက်တိုဘာလ ၉ ရက်နေ့တွင် ပြည်မြို့နယ် သမိုင်းဝင်မှော်ဇာရှေးဟောင်းဇုန်သို့ သွားရောက်လေ့လာ ကြည့်ရှုခဲ့ပါသည်။

ထို့နောက် မင်းကုန်းကျေးရွာသို့ သွားရောက်ခဲ့ပြီး ကျေးရွာအတွင်း လမ်းပန်းဆက်သွယ်ရေး၊ သောက်သုံးရေရရှိရေးစသည့် ဒေသဖွံ့ဖြိုးရေးဆိုင်ရာ လိုအပ်ချက်များကို မြေပြင်တွင် ကွင်းဆင်းကြည့်ရှုခဲ့ပါသည်။

ဆက်လက်၍ မင်းကုန်းကျေးရွာရှိ ရပ်မိရပ်ဖများ၊ ဒေသခံပြည်သူများနှင့် ရင်းရင်းနှီးနှီး တွေ့ဆုံကာ ကျေးရွာအတွင်း ကြုံတွေ့နေရသည့် အခက်အခဲများနှင့် လိုအပ်လျက်ရှိသည့် ကူညီထောက်ပံ့မှုများအပေါ် ဖြည့်ဆည်းဆောင်ရွက်ပေးနိုင်ရေးအတွက် ပေါင်းစပ်ညှိနှိုင်း ဆွေးနွေးခဲ့ပါသည်။