ပြည် အောက်တိုဘာလ ၉

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးသည် အောက်တိုဘာလ ၉ ရက်နေ့တွင် ပြည်မြို့၊ ရွှေလက်လှရပ်ကွက်နှင့် နဝင်းကွက်သစ်တို့ရှိ ပြည်သူများ၏ ဖိတ်ကြားချက်အရ သွားရောက်တွေ့ဆုံခဲ့ပြီး ဒေသခံပြည်သူများ၏ လိုအပ်ချက်များကို ကူညီဆောင်ရွက်ပေးနိုင်ရေးအတွက် သွားရောက်ကြည့်ရှု ညှိနှိုင်းဆောင်ရွက်ခဲ့ပါသည်။

ထိုသို့ သွားရောက်စဉ် ရွှေလက်လှရပ်ကွက်နှင့် နဝင်းကွက်သစ်အတွင်းရှိ မိတ်ဆွေများ၊ ဒေသခံပြည်သူများနှင့် ရင်းရင်းနှီးနှီး တွေ့ဆုံကာ ရပ်ကွက်အတွင်း ကြုံတွေ့နေရသည့် အခက်အခဲများနှင့် ဒေသဖွံ့ဖြိုးရေးဆိုင်ရာ လိုအပ်ချက်များကို မေးမြန်းဆွေးနွေးခဲ့ကြပါသည်။

ထို့နောက် ရပ်ကွက်များအတွင်း ကူညီထောက်ပံ့ပေးနိုင်မည့် အခြေအနေများကို မြေပြင်တွင် အနီးကပ် ကြည့်ရှုခဲ့ပြီး လိုအပ်သည်များကို သက်ဆိုင်ရာ တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့ပါသည်။

ပြည် အောက်တိုဘာ ၉

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးသည် ပြည်မြို့ရှိ ဒေသခံပြည်သူများ၏ ရပ်ကွက်များအတွင်း ဒေသဖွံ့ဖြိုးရေးနှင့် လိုအပ်ချက်များ ဆက်လက်ဆောင်ရွက်ပေးနိုင်ရေးအတွက် မြေပြင်ကွင်းဆင်း ကြည့်ရှုခဲ့ပါသည်။

ထိုသို့ ကွင်းဆင်းဆောင်ရွက်ရာတွင် ရောက်ရှိသည့် ရပ်ကွက်များအလိုက် စာသင်ကျောင်းများသို့ ဝင်ရောက်လေ့လာခဲ့ပြီး ကျောင်းသား၊ ကျောင်းသူများ၏ သင်ကြားရေးဆိုင်ရာ အခြေအနေများ၊ ကျောင်းသားများ၏ ကျန်းမာရေးနှင့် ညီညွတ်သည့် မုန့်ဈေးတန်းများ ရောင်းချမှု ရှိ/မရှိနှင့် ကျောင်းသုံး အိမ်သာများ၏ သန့်ရှင်းသပ်ရပ်မှု အခြေအနေများအထိ အသေးစိတ် လှည့်လည်ကြည့်ရှု လေ့လာခဲ့ပါသည်။

ထို့ပြင် ဒေသခံ ပြည်သူများ၏ လိုအပ်ချက်များကို မြေပြင်တွင် အနီးကပ် လေ့လာဆန်းစစ်ခဲ့ပြီး ကလေးငယ်များ စိတ်အေးချမ်းသာစွာ ပညာသင်ကြားနိုင်ရေးနှင့် ကျောင်းပတ်ဝန်းကျင် သန့်ရှင်းကျန်းမာရေးတို့အတွက် လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးခဲ့ပါသည်။

ပြည် အောက်တိုဘာ ၉

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိဦးသည် အောက်တိုဘာလ ၉ ရက်နေ့တွင် ပြည်မြို့သို့ ရောက်ရှိစဉ်အတွင်း ဒေသခံများသောက်သုံးရေ လုံလောက်စွာ ရရှိရေးနှင့် သန့်ရှင်းသော သောက်သုံးရေ ရရှိစေရေးတို့အတွက် သောက်သုံးရေသန့်စက် တပ်ဆင်နိုင်ရန် အလှူငွေကူညီထောက်ပံ့ လှူဒါန်းခဲ့ပါသည်။

ထိုသို့ သွားရောက်စဉ် ဒေသခံ မိတ်ဆွေများ၊ ပြည်သူများနှင့် ရင်းရင်းနှီးနှီး တွေ့ဆုံကာ ဒေသတွင်း သောက်သုံးရေ အခက်အခဲ မရှိစေရေး၊ ကျန်းမာရေးနှင့် ညီညွတ်သော သောက်သုံးရေသန့်များ ပုံမှန်သုံးစွဲနိုင်ရေးအတွက် ရေရရှိရေး လုပ်ငန်းများနှင့် သောက်သုံးရေသန့်စက် တပ်ဆင်ပေးနိုင်မည့် အခြေအနေများကို မေးမြန်းဆွေးနွေးခဲ့ပါသည်။

ထို့နောက် သန့်ရှင်းသော သောက်သုံးရေသန့်စက် စနစ်တကျ တပ်ဆင်လှူဒါန်းနိုင်ရေးအတွက် လိုအပ်သည့် ကူညီထောက်ပံ့မှုများကို ပေးအပ်လှူဒါန်းခဲ့ပြီး ဒေသခံပြည်သူများ ရေရှည် အဆင်ပြေစွာ သုံးစွဲနိုင်ရေးအတွက် ဝိုင်းဝန်းကူညီ ဆောင်ရွက်ပေးခဲ့ကြပါသည်။

ပြည် အောက်တိုဘာလ ၈

ပဲခူးတိုင်းဒေသကြီးဥက္ကဋ္ဌဦးအောင်ချိုဦးသည် အောက်တိုဘာလ ၈ ရက်နေ့တွင် ပြည်မြို့ ရပ်ကွက်များအတွင်း ပြည်သူများ၏ လျှပ်စစ်မီး၊ သောက်သုံးရေ၊ လမ်းပန်းဆက်သွယ်ရေးနှင့် ရေမြောင်းစနစ်ဆိုင်ရာ အခက်အခဲများကို သွားရောက်လေ့လာဆွေးနွေးခဲ့ပြီး ကျရောက်လာမည့် အယ်နီညိုရာသီဥတုအတွက် ကြိုတင်ပြင်ဆင်ထားရှိရမည့် ကိစ္စရပ်များကို အလေးထားဆောင်ရွက်ရန် အကြံပြုဆွေးနွေးခဲ့ကြပါသည်။

ထိုသို့ ကွင်းဆင်းဆောင်ရွက်ရာတွင် ရပ်ကွက်များအလိုက် လျှပ်စစ်မီး ပုံမှန်ရရှိရေး၊ သောက်သုံးရေ လုံလောက်စွာ ရရှိရေး၊ လမ်းများ ကြံ့ခိုင်ကောင်းမွန်ရေးနှင့် ရေနုတ်မြောင်းများ လေလွင့်ရေစီးရေလာ ကောင်းမွန်စေရေးတို့အတွက် လက်ရှိကြုံတွေ့နေရသည့် အခြေအနေများကို အနီးကပ် ကြည့်ရှုခဲ့ပါသည်။

ထို့နောက် သက်ဆိုင်ရာ တာဝန်ရှိသူများ၊ ရပ်မိရပ်ဖများနှင့် တွေ့ဆုံကာ အနာဂတ်တွင် ရင်ဆိုင်ရမည့် အယ်နီညိုရာသီဥတု သက်ရောက်မှုများကြောင့် ရေရှားပါးမှုနှင့် ပူပြင်းမှု ပြဿနာများ မကြုံတွေ့ရစေရေးအတွက် သောက်သုံးရေ ရရှိရေး ကြိုတင်ပြင်ဆင်မှုများ၊ စနစ်တကျ ရေသိုလှောင်ရေးနှင့် အရေးပေါ် တုံ့ပြန်ဆောင်ရွက်နိုင်ရေးဆိုင်ရာ ကိစ္စရပ်များကို အလေးထားဆောင်ရွက်ကြရန် အကြံပြု ဆွေးနွေးခဲ့ကြပါသည်။

ပြည် အောက်တိုဘာလ ၉

ပဲခူးတိုင်းဒေသကြီးဥက္ကဋ္ဌ ဦးအောင်ချိုဦးသည် အောက်တိုဘာလ ၉ ရက်နေ့တွင် ပြည်မြို့သို့ ရောက်ရှိစဉ်အတွင်း ရတနာမာန်အောင်ရပ်ကွက်၊ ရွှေတံခါးရပ်ကွက်နှင့် မြကန်သာရပ်ကွက်များအတွင်းရှိ ဒေသန္တရလမ်းပန်းဆက်သွယ် ရေး အခြေအနေများကို သွားရောက်ကြည့်ရှုခဲ့ပြီး ရပ်မိရပ်ဖများနှင့် တွေ့ဆုံကာ လိုအပ်သည်များ ကူညီဆောင်ရွက်ပေးနိုင်ရေး ညှိနှိုင်းဆွေးနွေးခဲ့ပါသည်။

ထိုသို့ ကွင်းဆင်းကြည့်ရှုစဉ် ရပ်ကွက်များအတွင်း သွားလာရေး အဆင်ပြေချောမွေ့စေရေး၊ လမ်းများကောင်းမွန်ခိုင်မာရေးနှင့် ဒေသဖွံ့ဖြိုးရေးအတွက် လိုအပ်ချက်ရှိနေသည့် လုပ်ငန်းများကို သက်ဆိုင်ရာ တာဝန်ရှိသူများ၊ ရပ်မိရပ်ဖများနှင့်အတူ ရပ်ကွက်များအလိုက် လှည့်လည်ကြည့်ရှုခဲ့ပါသည်။

ထို့နောက် ရပ်ကွက်ပြည်သူများ၏ ကိုယ်စား ရပ်မိရပ်ဖများနှင့် တွေ့ဆုံဆွေးနွေးပွဲ ပြုလုပ်ခဲ့ပြီး လမ်းပန်းဆက်သွယ်ရေးနှင့် ဒေသဖွံ့ဖြိုးရေး လိုအပ်ချက်များအပေါ် အမြန်ဆုံးနှင့် အကောင်းဆုံး ပံ့ပိုးကူညီဆောင်ရွက်ပေးနိုင်မည့် အခြေအနေများကို ပေါင်းစပ်ညှိနှိုင်း ဆွေးနွေးခဲ့ကြပါသည်။

ပြည် အောက်တိုဘာလ ၉

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးသည် အောက်တိုဘာလ ၉ ရက်နေ့တွင် ပြည်မြို့ရှိ သမိုင်းဝင် တိုင်းပြည်လုံးချမ်းသာ ဆယ်ထပ်ကြီးဘုရားကြီးသို့ သွားရောက်ဖူးမြော်ကြည်ညိုကာ ဘုရားကြီး ရေရှည်တည်တံ့ခိုင်မြဲရေးနှင့် လိုအပ်သည့် ပြုပြင်မွမ်းမံမှုများ ကူညီဆောင်ရွက်ပေးနိုင်ရေးအတွက် တာဝန်ရှိသူများနှင့် တွေ့ဆုံဆွေးနွေးခဲ့ပါသည်။

ထိုသို့ သွားရောက်ရာတွင် ရှေးဦးစွာ တိုင်းပြည်လုံးချမ်းသာ ဆယ်ထပ်ကြီးဘုရားမြတ်ကြီးအား ဖူးမြော်ကြည်ညို၍ ပန်း၊ ရေချမ်း၊ ဆီမီးများ ဆက်ကပ်ပူဇော်လှူဒါန်းခဲ့ပါသည်။

ထို့နောက် စေတီတော်ကြီးနှင့် ဗုဒ္ဓရုပ်ပွားတော်မြတ်ကြီး ရေရှည်တည်တံ့စေရေး၊ လိုအပ်လျက်ရှိသည့် ဘက်စုံပြုပြင်မွမ်းမံခြင်း လုပ်ငန်းများတွင် လိုအပ်သော ကူညီပံ့ပိုးမှုများ ဆောင်ရွက်ပေးနိုင်ရေးတို့အတွက် ဂေါပကအဖွဲ့များ၊ သက်ဆိုင်ရာ တာဝန်ရှိသူများနှင့် တွေ့ဆုံကာ လိုအပ်သည်များကို ပေါင်းစပ်ညှိနှိုင်း ဆွေးနွေးခဲ့ကြပါသည်။

ဇီးကုန်း၊ အောက်တိုဘာ ၈

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးနှင့်ဇနီး၊ တိုင်းဒေသကြီးလွှတ်တော်ကိုယ်စားလှယ်များနှင့်အတူ အောက်တိုဘာလ ၈ ရက်နေ့တွင် ဇီးကုန်းမြို့သို့ ရောက်ရှိခဲ့ပြီး ဇနီးဖြစ်သူ၏ ဇာတိမြေ၌ မိဘများအား ရည်စူး၍ ဘိုးဘွားရိပ်သာရှိ ဘိုးဘွားများအား အလှူငွေနှင့် နေ့လယ်စာ ကျွေးမွေးလှူဒါန်းခြင်း၊ မြသိန်းတန်စေတီတော်အား ဖူးမြော်လှူဒါန်းခြင်းနှင့် သောက်သုံးရေရရှိရေးအတွက် ကွင်းဆင်းလေ့လာခြင်းများကို ဆောင်ရွက်ခဲ့ပါသည်။

ရှေးဦးစွာ ဇနီးဖြစ်သူ၏ ကွယ်လွန်သူ မိဘများအား ရည်စူး၍ ဇီးကုန်းဘိုးဘွားရိပ်သာရှိ အဘိုးအဘွားများအတွက် လှူဒါန်းဖွယ်ရာများ၊ အလှူငွေများနှင့် နေ့လယ်စာအာဟာရများ ကိုယ်တိုင်ကိုယ်ကျ သွားရောက်လှူဒါန်းခဲ့ပါသည်။
ထို့နောက် မြသိန်းတန်စေတီတော်မြတ်ကြီးသို့ သွားရောက်ဖူးမြော်ကြည်ညိုကာ စေတီတော်မြတ်ကြီး ဘက်စုံပြုပြင်မွမ်းမံနိုင်ရေးအတွက် အလှူငွေများ ဆက်ကပ်လှူဒါန်းခဲ့ပါသည်။

ဆက်လက်၍ အယ်နီညိုရာသီဥတုကာလအတွင်း ဒေသခံပြည်သူများ သောက်သုံးရေ အခက်အခဲ မရှိစေရေးနှင့် လိုအပ်သည့် ကြိုတင်ပြင်ဆင်မှုများ ဆောင်ရွက်နိုင်ရေးအတွက် တာဝန်ရှိသူများနှင့်အတူ ဘုရားကြီးကန်နှင့် မင်္ဂလာကန်တို့သို့ သွားရောက်ကြည့်ရှုခဲ့ပါသည်။ထိုသို့ သွားရောက်ကြည့်ရှုစဉ် သောက်သုံးရေ လုံလောက်စွာ ရရှိရေးနှင့် လိုအပ်သည့် ကူညီထောက်ပံ့မှုများ ဆောင်ရွက်ပေးနိုင်ရေးအတွက် သက်ဆိုင်ရာ တာဝန်ရှိသူများနှင့် ပေါင်းစပ်ညှိနှိုင်း ဆွေးနွေးခဲ့ပါသည်။

ပြည်၊ အောက်တိုဘာ ၉

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးသည် အောက်တိုဘာလ ၉ ရက်နေ့တွင် ပြည်မြို့၊ ရွာဘဲနယ်မြေရှိ ရပ်မိရပ်ဖများနှင့် တွေ့ဆုံကာ ရပ်ကွက်အချို့၏ ရေမြောင်းများ ရေစီးရေလာ ကောင်းမွန်ရေးအတွက် လိုအပ်သည်များကို ကူညီဆောင်ရွက်ပေးနိုင်ရန် သွားရောက်ကြည့်ရှုခဲ့ပါသည်။

ဆက်လက်၍ ရပ်ကွက်အတွင်း ရေနုတ်မြောင်းများ စနစ်တကျ ရှိစေရေးနှင့် ရေစီးရေလာ ကောင်းမွန်ရေးအတွက် အဓိကထား ညှိနှိုင်းဆွေးနွေးခဲ့ကြပြီး လိုအပ်သည့် ကူညီမှုများကို အမြန်ဆုံး ပေါင်းစပ်ဆောင်ရွက်ပေးသွားမည်ဖြစ်ပါကြောင်း ပြောကြားခဲ့ပါသည်။

ပြည် အောက်တိုဘာ ၉

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးသည် အောက်တိုဘာလ ၉ ရက်နေ့တွင် ပြည်မြို့၊ ဆံတော်ရပ်ကွက်ရှိ ရပ်မိရပ်ဖများ၊ ဒေသခံပြည်သူများနှင့် တွေ့ဆုံကာ ရပ်ကွက်အတွင်း လိုအပ်လျက်ရှိသည်များကို လိုက်လံကြည့်ရှုခဲ့ပါသည်။

ဆက်လက်၍ ပုထိုးကြီးရပ်ကွက်အတွင်း ရေစီးရေလာ ကောင်းမွန်စေရေး၊ လျှပ်စစ်မီးတိုင်များ အန္တရာယ်ကင်းရှင်းရေးနှင့် အခြားလိုအပ်သည်များကို အမြန်ဆုံး ကူညီဆောင်ရွက်ပေးနိုင်ရန်အတွက် မြေပြင်ကွင်းဆင်း ကြည့်ရှုခဲ့ပြီး ဒေသခံများ၏ တင်ပြချက်များကို သက်ဆိုင်ရာနှင့် ညှိနှိုင်းဆောင်ရွက်ပေးခဲ့ပါသည်။