ရေတာရှည်၊ အောက်တိုဘာ ၂၀

ပဲခူးတိုင်းဒေသကြီး၊ ရေတာရှည်မြို့နယ်တွင် မြို့နယ်လွှတ်တော်ကိုယ်စားလှယ်ဖလား ဘောလုံးပြိုင်ပွဲ ဖွင့်ပွဲအခမ်းအနားကို အောက်တိုဘာလ (၂၀) ရက်နေ့တွင် စည်ကားသိုက်မြိုက်စွာ ကျင်းပပြုလုပ်ခဲ့ကြပါသည်။

အဆိုပါ ပြိုင်ပွဲဖွင့်ပွဲအခမ်းအနားသို့ ပဲခူးတိုင်းဒေသကြီးလွှတ်တော် ဒုတိယဥက္ကဋ္ဌ ဦးကျော်ဌေး၊ တိုင်းဒေသကြီးလွှတ်တော်ကိုယ်စားလှယ်များ၊ ရေးရာကော်မတီများမှ ဥက္ကဋ္ဌများ၊ အတွင်းရေးမှူးများ၊ အဖွဲ့ဝင်များနှင့် စီးပွားရေးအကြံပေးပုဂ္ဂိုလ်များ၊ သက်ဆိုင်ရာတာဝန်ရှိသူများတက်ရောက်၍ ပြိုင်ပွဲအား ဖွင့်လှစ်ပေးခဲ့ပါသည်။

ယင်းနောက် ပွဲစဉ်အဖြစ် ယှဉ်ပြိုင်ကစားကြသည့် ဘောလုံးအသင်းများ၏ ပထမပွဲစဉ် ယှဉ်ပြိုင်ကစားမှုကို ကြည့်ရှုအားပေးခဲ့ကြပါသည်။

သာယာဝတီ အောက်တိုဘာ ၁၄

ပဲခူးတိုင်းဒေသကြီး၊ သာယာဝတီခရိုင်အတွင်း စိုက်ပျိုးစွမ်းအား တိုးတက်မြင့်မားရေးနှင့် အသေးစား၊ အလတ်စား စီးပွားရေး (MSME) ကဏ္ဍ ဖွံ့ဖြိုးတိုးတက်စေရေးကို အောက်တိုဘာလ ၁၄ ရက်နေ့တွင် ကွင်းဆင်းဆောင်ရွက်ခဲ့ကြပါသည်။

ထိုသို့ ကွင်းဆင်းဆောင်ရွက်ရာတွင် ပဲခူးတိုင်းဒေသကြီး ဝန်ကြီးချုပ်၊ တိုင်းဒေသကြီးလွှတ်တော်ဥက္ကဋ္ဌ နှင့်အတူ သက်ဆိုင်ရာ တာဝန်ရှိသူများက သာယာဝတီခရိုင်အတွင်းရှိ စိုက်ပျိုးရေး စိုက်ခင်းများ၊ သီးထပ်စွမ်းအား မြှင့်တင်ရေး လုပ်ငန်းများနှင့် ဒေသထွက် MSME ကုန်ထုတ်လုပ်ငန်းများသို့ သွားရောက်၍ စိုက်ပျိုးရေး ထုတ်ကုန်များ အရည်အသွေးနှင့် အထွက်နှုန်း တိုးတက်စေရေး၊ MSME လုပ်ငန်းရှင်များ၏ ကုန်ထုတ်လုပ်မှု၊ နည်းပညာနှင့် အရင်းအနှီး လိုအပ်ချက်များကို အနီးကပ် ကြည့်ရှုခဲ့ကြပါသည်။

ထို့နောက် ဒေသတွင်း စိုက်ပျိုးရေးနှင့် MSME ကဏ္ဍ ပိုမိုဖွံ့ဖြိုးတိုးတက်လာစေရေး၊ ဒေသခံ ပြည်သူများ၏ လူမှုစီးပွားဘဝ မြှင့်တင်နိုင်ရေးတို့အတွက် သက်ဆိုင်ရာ ဌာနဆိုင်ရာများ၊ လုပ်ငန်းရှင်များနှင့် ပေါင်းစပ်ညှိနှိုင်း၍ လိုအပ်သည်များ ပံ့ပိုးကူညီ ဆောင်ရွက်ပေးမှုများတွင် တာဝန်ရှိသူများနှင့်အတူ ပူးပေါင်း လိုက်ပါဆောင်ရွက်ခဲ့ကြပါသည်။

ပဲခူး အောက်တိုဘာ ၁၄

ပဲခူးတိုင်းဒေသကြီး၊ ပဲခူးမြို့ ၂၀၂၆ ခုနှစ်၊ အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံးနိုင်ခြေ လျှော့ချရေးနေ့ အထိမ်းအမှတ် အခမ်းအနားကို အောက်တိုဘာလ ၁၄ ရက်နေ့က ပဲခူးမြို့၊ မြို့တော်ခန်းမ၌ ကျင်းပပြုလုပ်ခဲ့ကြပါသည်။

အဆိုပါ အခမ်းအနားသို့ ပဲခူးတိုင်းဒေသကြီး အစိုးရအဖွဲ့ဝန်ကြီးချုပ် ဦးမျိုးဆွေဝင်း၊ ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦး၊ ပဲခူးတိုင်းဒေသကြီးလွှတ်တော်ဒုတိယဥက္ကဋ္ဌ ဦးကျော်ဌေး၊ တိုင်းဒေသကြီးပဲခူးတိုင်းဒေသကြီး အစိုးရအဖွဲ့ဝင် ဝန်ကြီးများ၊ ဌာနဆိုင်ရာ တာဝန်ရှိသူများ တက်ရောက်ခဲ့ကြပါသည်။

ထိုသို့ တက်ရောက်ရာတွင် အခမ်းအနား၌ ပြသထားသည့် သဘာဝဘေးအန္တရာယ် ကာကွယ်ရေး၊ ကြိုတင်ပြင်ဆင်ရေးနှင့် ထိခိုက်ဆုံးရှုံးနိုင်ခြေ လျှော့ချရေးဆိုင်ရာ အသိပညာပေး ပြခန်းများ၊ ဓာတ်ပုံများနှင့် အဓိက သတင်းအချက်အလက်များကို လှည့်လည်ကြည့်ရှု လေ့လာခဲ့ကြပါသည်။

အဆိုပါ အခမ်းအနားသည် သဘာဝဘေးအန္တရာယ်များကြောင့် ဖြစ်ပေါ်လာနိုင်သည့် ထိခိုက်ဆုံးရှုံးမှုများကို လျှော့ချနိုင်ရေး၊ ပြည်သူများ သဘာဝဘေးအန္တရာယ်ဆိုင်ရာ အသိပညာဗဟုသုတ တိုးပွားလာစေရေးနှင့် ကြိုတင်ပြင်ဆင် တုံ့ပြန်ဆောင်ရွက်နိုင်မှု စွမ်းရည်များ မြှင့်တင်ပေးနိုင်ရေးတို့အတွက် ရည်ရွယ်ကျင်းပခြင်းဖြစ်ကြပါသည်။

ပြည် အောက်တိုဘာ ၁၄

ပဲခူးတိုင်းဒေသကြီး၊ ပြည်မြို့နယ်အတွင်း စိုက်ပျိုးရေးလုပ်ငန်းများနှင့် အသေးစား၊ အလတ်စား စီးပွားရေး (MSMEs) လုပ်ငန်းများ ဖွံ့ဖြိုးတိုးတက်စေရေး ကွင်းဆင်း ဆောင်ရွက်ခြင်းကို အောက်တိုဘာလ ၁၄ ရက်နေ့တွင် သွားရောက် လေ့လာကြည့်ရှု ဆောင်ရွက်ခဲ့ပါသည်။

ထိုသို့ ကွင်းဆင်းဆောင်ရွက်ရာတွင် ပဲခူးတိုင်းဒေသကြီး အစိုးရအဖွဲ့ဝန်ကြီးချုပ် ဦးမျိုးဆွေဝင်း၊ ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦး၊ ပဲခူးတိုင်းဒေသကြီး အစိုးရအဖွဲ့ဝင် ဝန်ကြီးများ၊ ဌာနဆိုင်ရာ တာဝန်ရှိသူများသည် ပြည်မြို့နယ်အတွင်းရှိ စိုက်ပျိုးရေး စိုက်ခင်းများ၊ ဒေသထွက် အသေးစား၊ အလတ်စား ကုန်ထုတ်လုပ်ငန်းများသို့ သွားရောက်၍ ဒေသတွင်း စိုက်ပျိုးရေး ထုတ်ကုန်များ တိုးမြှင့်ထုတ်လုပ်နိုင်ရေး၊ MSMEs လုပ်ငန်းရှင်များ၏ ကုန်ထုတ်လုပ်မှုဆိုင်ရာ လိုအပ်ချက်များ၊ ဈေးကွက်ရရှိရေးနှင့် နည်းပညာ၊ အရင်းအနှီး လိုအပ်ချက်များကို အနီးကပ် ကြည့်ရှုခဲ့ပါသည်။

ထို့နောက် ဒေသတွင်း စိုက်ပျိုးရေးနှင့် MSMEs လုပ်ငန်းများ ပိုမိုဖွံ့ဖြိုးတိုးတက်လာစေရေး၊ ဒေသခံ ပြည်သူများ၏ လူမှုစီးပွားဘဝ မြှင့်တင်နိုင်ရေးတို့အတွက် သက်ဆိုင်ရာ ဌာနဆိုင်ရာများ၊ လုပ်ငန်းရှင်များနှင့် ပေါင်းစပ်ညှိနှိုင်း၍ လိုအပ်သည်များ ပံ့ပိုးကူညီ ဆောင်ရွက်ပေးမှုများတွင် တာဝန်ရှိသူများနှင့်အတူ ပူးပေါင်း လိုက်ပါဆောင်ရွက်ခဲ့ကြပါသည်။

ပြည် အောက်တိုဘာ ၁၄

ပဲခူးတိုင်းဒေသကြီး၊ ပြည်မြို့၌ ပဲခူးတိုင်းဒေသကြီးအစိုးရအဖွဲ့မှ ကြီးမှူးကျင်းပပြုလုပ်သော မြန်မာ့ရိုးရာ ပြည်ဒေသအစားအစာ ပြိုင်ပွဲ အခမ်းအနား အောက်တိုဘာလ ၁၄ ရက်နေ့တွင် ပဲခူးတိုင်းဒေသကြီး အစိုးရအဖွဲ့ဝန်ကြီးချုပ် ဦးမျိုးဆွေဝင်းနှင့်ဇနီး၊ ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးနှင့်ဇနီး၊ ပဲခူးတိုင်းဒေသကြီး အစိုးရအဖွဲ့ဝင် ဝန်ကြီးများ၊ ဌာနဆိုင်ရာ တာဝန်ရှိသူများ တက်ရောက်ခဲ့ကြပါသည်။

ထိုသို့ တက်ရောက်ရာတွင် ပြိုင်ပွဲအတွင်း ခင်းကျင်းပြသထားသည့် ဒေသထွက် မြန်မာ့ရိုးရာ အစားအသောက်များ၊ ပြည်ဒေသထွက် အစားအစာ ပြိုင်ပွဲဝင် နမူနာများကို လှည့်လည်ကြည့်ရှု အားပေးခဲ့ပြီး ပြိုင်ပွဲဝင်များနှင့် ရင်းရင်းနှီးနှီး တွေ့ဆုံနှုတ်ဆက်ခဲ့ပါသည်။

အဆိုပါ ပြိုင်ပွဲသည် မြန်မာ့ရိုးရာ အစားအစာများနှင့် ပြည်ဒေသ၏ ဒေသထွက် အစားအသောက် ယဉ်ကျေးမှုများကို ဖော်ထုတ်မြှင့်တင်ရန်နှင့် ရိုးရာအစားအစာ ပြုလုပ်သည့် နည်းပညာများကို လက်ဆင့်ကမ်း ထိန်းသိမ်းနိုင်ရေးအတွက် ရည်ရွယ်ကျင်းပခြင်းဖြစ်ပါသည်။

ပြည် အောက်တိုဘာ ၁၄

ပဲခူးတိုင်းဒေသကြီး၊ ပြည်မြို့၊ ပြည်တောင်တန်းတောရကျောင်းများဆန်လှူအသင်းမှ ကြီးမှူးကျင်းပသော (၄၅) ကြိမ်မြောက် ဆွမ်းဆန်တော်လောင်းလှူပွဲ အခမ်းအနားကို အောက်တိုဘာလ ၁၄ ရက်နေ့တွင် ကျင်းပပြုလုပ်ခဲ့ပါသည်။

အဆိုပါ အခမ်းအနားသို့ ပဲခူးတိုင်းဒေသကြီး အစိုးရအဖွဲ့ဝန်ကြီးချုပ် ဦးမျိုးဆွေဝင်း၊ ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးနှင့်ဇနီး၊သက်ဆိုင်ရာ တာဝန်ရှိသူများ တက်ရောက်ခဲ့ကြပြီး တက်ရောက်လာကျသူများက သံဃာတော်များနှင့် သီလရှင်ဆရာကြီး၊ ဆရာလေးများအား ဆွမ်းဆန်တော်၊ လှူဒါန်းဖွယ်ရာများနှင့် အလှူငွေများကို ကိုယ်တိုင်ကိုယ်ကျ ကြည်ညိုသဒ္ဓါပွားများစွာဖြင့် ဆက်ကပ်လောင်းလှူခဲ့ကြပါသည်။

အဆိုပါ ဆွမ်းဆန်တော်လောင်းလှူပွဲသို့ မြို့နယ်အတွင်းရှိ သံဃာတော်များ၊ သီလရှင်များနှင့်အတူ အလှူရှင်များ၊ ဒေသခံပြည်သူများ စည်းကားသိုက်မြိုက်စွာ ပါဝင်ကုသိုလ်ယူခဲ့ကြပါသည်။

ပန်းတောင်း အောက်တိုဘာ ၁၀

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးသည် အောက်တိုဘာလ ၁၀ ရက်နေ့တွင် ပန်းတောင်းမြို့နယ်သို့ ရောက်ရှိစဉ်အတွင်း မြစ်ရေ/ချောင်းရေ တိုက်စားမှုကြောင့် ကမ်းပါးပြိုကျပျက်စီးနေသည့် နေရာသို့ သွားရောက်၍ မြေပြင်အခြေအနေများကို ကွင်းဆင်းကြည့်ရှုခဲ့ပါသည်။

ထိုသို့ သွားရောက်ကြည့်ရှုရာတွင် ရေတိုက်စားမှုကြောင့် ကမ်းပါးပြိုကျနေသည့် အခြေအနေများ၊ ဒေသခံပြည်သူများ၏ နေအိမ်များနှင့် လမ်းပန်းဆက်သွယ်ရေး အန္တရာယ်ရှိ/မရှိ အခြေအနေများကို အနီးကပ်ကြည့်ရှုခဲ့ပါသည်။

ထို့နောက် ကမ်းပါးပြိုကျမှု ပိုမိုမကြီးထွားစေရေးအတွက် ကြိုတင်ကာကွယ်ရေး လုပ်ငန်းများ ဆောင်ရွက်နိုင်ရေး၊ မြေထိန်းနံရံနှင့် ရေကာနံရံများ တည်ဆောက်နိုင်ရေးတို့အတွက် သက်ဆိုင်ရာ တာဝန်ရှိသူများ၊ ဒေသခံများနှင့် ပေါင်းစပ်ညှိနှိုင်း၍ လိုအပ်သည့် ကူညီထောက်ပံ့မှုများ ရရှိရေး ကူညီဆောင်ရွက်ပေးခဲ့ပါသည်။

ပန်းတောင်း အောက်တိုဘာ ၁၀

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးနှင့် ဇနီးတို့သည် အောက်တိုဘာလ ၁၀ ရက်နေ့တွင် ပန်းတောင်းမြို့နယ် ဥသျှစ်ပင်တိုက်နယ်ဆေးရုံနှင့် ဥသျှစ်ပင်ဈေးတို့သို့ သွားရောက်၍ မြေပြင်အခြေအနေများကို လှည့်လည်ကြည့်ရှုခဲ့ပါသည်။

ထိုသို့ သွားရောက်ရာတွင် ရှေးဦးစွာ ဥသျှစ်ပင်တိုက်နယ်ဆေးရုံသို့ ဝင်ရောက်ကာ ဆေးရုံ၏ ကျန်းမာရေးစောင့်ရှောက်မှုပေးနေသည့် အခြေအနေများ၊ ဆေးရုံတက်ရောက်ကုသမှုခံယူနေသည့် လူနာများ၏ အခြေအနေများနှင့် ကျန်းမာရေးဆိုင်ရာ လိုအပ်ချက်များကို ကြည့်ရှုလေ့လာခဲ့ပါသည်။

ထို့နောက် ဥသျှစ်ပင်ဈေးသို့ ဆက်လက်သွားရောက်ခဲ့ပြီး ဈေးအတွင်း ကုန်ဈေးနှုန်း အခြေအနေများ၊ ဈေးသူ၊ ဈေးသားများနှင့် ဒေသခံပြည်သူများ၏ ရောင်းဝယ်ဖောက်ကားမှု အခြေအနေများကို ကြည့်ရှုခဲ့ကာ ဈေးသန့်ရှင်းသပ်ရပ်ရေးနှင့် မီးဘေးလုံခြုံရေးဆိုင်ရာ ကိစ္စရပ်များကို ကြည့်ရှုခဲ့ပါသည်။

ပန်းတောင်း အောက်တိုဘာ ၁၀

ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးနှင့် ဇနီးတို့သည် အောက်တိုဘာလ ၁၀ ရက်နေ့တွင် ပန်းတောင်းမြို့နယ်မှ တိုင်းဒေသကြီးလွှတ်တော်ကိုယ်စားလှယ်များ၏ ဖိတ်ကြားချက်အရ ပန်းတောင်းမြို့နယ်သို့ သွားရောက်ခဲ့ပြီး ဒေသခံရပ်မိရပ်ဖများ၊ ပြည်သူများနှင့် ရင်းရင်းနှီးနှီး တွေ့ဆုံဆွေးနွေးခဲ့ပါသည်။

ထိုသို့ သွားရောက်စဉ် ပန်းတောင်းမြို့နယ်အတွင်းရှိ ဒေသခံပြည်သူများနှင့် ရပ်မိရပ်ဖများ ကြုံတွေ့နေရသည့် လိုအပ်ချက်များ၊ ဒေသဖွံ့ဖြိုးရေးဆိုင်ရာ ကိစ္စရပ်များနှင့် ပတ်သက်၍ အပြန်အလှန် ရင်းနှီးပွင့်လင်းစွာ မေးမြန်းဆွေးနွေးခဲ့ကြသည်။

ထို့နောက် ရပ်မိရပ်ဖများနှင့် ဒေသခံပြည်သူများ၏ တင်ပြချက်များအပေါ် လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးနိုင်ရေးအတွက် သက်ဆိုင်ရာ တာဝန်ရှိသူများနှင့်အတူ ဝိုင်းဝန်းဆွေးနွေးခဲ့ကြပါသည်။