ဇူလိုင်လ ၁၄ ရက်နေ့ နေ့လယ် (၁:၀၀) နာရီတွင် ပဲခူးတက္ကသိုလ်၊ သမိုင်းဌာနမှ ပါမောက္ခ ဒေါက်တာတင်မောင်ထွေးနှင့် ကျောင်းသားကျောင်းသူများ ပဲခူးတိုင်းဒေသကြီးလွှတ်တော်သို့ လာရောက်လေ့လာခဲ့ရာ ပဲခူးတိုင်းဒေသကြီးလွှတ်တော်ဥက္ကဋ္ဌမှ ရင်းနှီးနွေးထွေးစွာ ကြိုဆိုခဲ့ပါသည်။

ဇူလိုင်လ ၁၃ ရက်နေ့တွင် ပဲခူးမြို့ မြို့တော်ခန်းမ၌ ဘဏ္ဍာရေးနှင့် အခွန်ဝန်ကြီးဌာန၊ ပြည်တွင်းအခွန်များဦးစီးဌာနမှ ကျင်းပပြုလုပ်သော ပဲခူးတိုင်းဒေသကြီး၏ အခွန်ဆိုင်ရာအသိပညာတိုးတက်ရေးနှင့် အခွန်တာဝန် လေးစားလိုက်နာမှုတိုးတက်ရေး လူထုလှုပ်ရှားမှုအစီအစဉ်အခမ်းအနားသို့ ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးဆွေဝင်း၊ ပဲခူးတိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦး၊ ဒုတိယဥက္ကဋ္ဌ ဦးကျော်ဌေး၊ တိုင်းဒေသကြီးအစိုးရအဖွဲ့ဝင် ဝန်ကြီးများ တက်ရောက်ခဲ့ပါသည်။