ဒုတိယအကြိမ် ပဲခူးတိုင်းဒေသကြီးလွှတ်တော် (၁၅)ကြိမ်မြောက်ပုံမှန်အစည်းအဝေးတွင်တရားဥပဒေစိုးမိုးရေးနှင့်ဥပဒေကြမ်းကော်မတီမှတင်သွင်းသည့် အစီရင်ခံစာ(၁/၂၀၂၀)

ဒုတိယအကြိမ် ပဲခူးတိုင်းဒေသကြီးလွှတ်တော် (၁၅)ကြိမ်မြောက်ပုံမှန်အစည်းအဝေးတွင်
တရားဥပဒေစိုးမိုးရေးနှင့်ဥပဒေကြမ်းကော်မတီမှတင်သွင်းသည့် အစီရင်ခံစာ(၁/၂၀၂၀)

နိဒါန်း

၁။      ဒုတိယအကြိမ် ပဲခူးတိုင်းဒေသကြီးလွှတ်တော် တရားဥပဒေစိုးမိုးရေးနှင့်ဥပဒေကြမ်း ကော်မတီကို ပဲခူးတိုင်းဒေသကြီးလွှတ်တော်၏ ၂၀၁၈ ခုနှစ် မတ်လ(၃၀)ရက်စွဲပါ အမိန့်ကြော်ငြာစာ အမှတ်(၃/၂၀၁၈)ဖြင့် ပြင်ဆင်ဖွဲ့စည်းတာဝန်ပေးအပ်ခဲ့ပြီး ကော်မတီအဖွဲ့ဝင်(၁၀)ဦးဖြင့် ပဲခူးတိုင်း ဒေသကြီးလွှတ်တော်၏ အဓိကမဏ္ဍိုင်ဖြစ်သော ဥပဒေပြုခြင်းနှင့်စပ်လျဉ်းသည့်ကိစ္စရပ်များ ဆောင်ရွက်ခြင်း၊ ၂၀၀၈ ခုနှစ် ဖွဲ့စည်းပုံအခြေခံဥပဒေပုဒ်မ ၁၈၈ ဇယား(၂) တိုင်းဒေသကြီး သို့မဟုတ် ပြည်နယ် ဥပဒေပြုစာရင်းပါ ကိစ္စရပ်များနှင့်စပ်လျဉ်း၍ ပဲခူးတိုင်း ဒေသကြီးလွှတ်တော်က အတည်ပြုပြဋ္ဌာန်းနိုင်ရေးဆောင်ရွက်ခြင်း၊ ပြဋ္ဌာန်းပြီးသောဥပဒေများအား ပဲခူးတိုင်းဒေသကြီး လွှတ်တော်ရှိ သက်ဆိုင်ရာကော်မတီများနှင့်ပူးပေါင်းလေ့လာသုံးသပ်၍ ပြင်ဆင်ရန်လိုအပ်သည့် ဥပဒေများအား ပြင်ဆင်ပြဋ္ဌာန်းနိုင်ရေးဆောင်ရွက်ခြင်းများကို အလေးထားဆောင်ရွက်လျှက်ရှိ ပါသည်။ ထို့အပြင် ပြည်သူများမှ ကော်မတီသို့ ပေးပို့တိုင်ကြားလာသောတိုင်ကြားစာများအား စိစစ်သုံးသပ်၍ ကာယကံရှင်များ နစ်နာမှုမရှိစေရေးအတွက် ကာယကံရှင်နှင့် သက်ဆိုင်ရာ အစိုးရဌာနများသို့ အကြောင်းကြားနိုင်ရေး ကော်မတီ၏စိစစ်သုံးသပ်တွေ့ရှိချက် အစီရင်ခံစာအား လွှတ်တော်ဥက္ကဋ္ဌထံ တင်ပြခြင်းနှင့် ပဲခူတိုင်းဒေသကြီး အထွေထွေအုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေးဦးစီးဌာနနှင့် မီးသတ်ဦးစီးဌာနတို့၏ ဘဏ္ဍာနှစ်အလိုက် ရသုံးခန့်မှန်းခြေ ငွေစာရင်း၊ ရငွေများ၊ သာမန်အသုံးစရိတ်လျာထားချက်များ၊ ငွေလုံးငွေရင်းအသုံးစရိတ်လျာထား ချက်များ၊ ဖြည့်စွက်ခွင့်ပြုရန်ပုံငွေစာရင်းများအား စိစစ်အတည်ပြုခြင်း၊ ငြင်းပယ်လျော့ချခြင်းတို့ကို ဆောင်ရွက်လျှက်ရှိပါသည်။

ရည်ရွယ်ချက်

၂။       ပဲခူတိုင်းဒေသကြီးအတွင်း တရားဥပဒေစိုးမိုးမှုရှိစေရန်နှင့် ခိုင်မာသောဥပဒေများပေါ်ပေါက် လာပြီး ပြည်သူများဘဝလုံခြုံမှုရှိစေရန်၊ တိုင်းဒေသကြီးရံပုံငွေများ စနစ်တကျစိစစ်ဆောင်ရွက်ရန် နှင့် တိုင်ကြားစာများ စိစစ်သုံးသပ်ဆောင်ရွက်ရန်။

အပြည့်အစုံဆက်လက်ဖတ်ရှုရန်………………………………..